Mon. Jun 17th, 2019

وزیر اعظم نے وفاقی کابینہ کا اجلاس 7 مئی کو طلب کر لیا

اسلام آباد: وزیراعظم نے وفاقی کابینہ کا اجلاس 7 مئی کو طلب کرلیا، اجلاس کا 13 نکاتی ایجنڈا جاری کر دیا گیا.

تفصیلات کے 7 مئی کے اجلاس میں‌ وفاقی کابینہ ای سی سی کے فیصلوں کی توثیق کرے گی.

اس موقع پر کابینہ کو ملک کے موجودہ تعلیمی نظام پرتفصیلی بریفنگ دی جائے گی، کابینہ پاورڈویژن، پیٹرولیم کو دو الگ وزارتیں بنانے کی منظوری دینے کا فیصلہ کیا گیا ہے.

ساتھ ہی کابینہ پاکستان، برازیل کے درمیان ٹیکنکل تعاون معاہدے کی منظوری دے گی، سعودی عرب میں مزدوروں کی بھرتیوں، وزارت اوورسیزاور سعودی وزارت کے درمیان معاہدے کی منظوری ایجنڈے میں‌ شامل ہے.

زراعت کے شعبے میں آذربائیجان سے معاہدے کی منظوری، بیورو آف امیگریشن اینڈ اوورسیزامپلائمنٹ میں تبادلوں، تقرریوں کی منظوری، کراچی کی کسٹم اور اینٹی اسمگلنگ عدالت میں جج تعیناتی کی منظوری ایجنڈے میں شامل ہے.

کابینہ اقبال اکیڈمی لاہورکی گورننگ باڈی کےخزانچی کی تعیناتی کی منظوری بھی دے گی. ساتھ ہی ایس ای سی پی کی سالانہ رپورٹ کابینہ اجلاس میں پیش کی جائے گی.

یاد رہے کہ آج وزیر اعظم کی زیر صدارت مہنگائی میں کمی پر خصوصی اجلاس ہوا، جس میں وزیر اعظم نے سختی سے ہدایت کی کہ ماہ رمضان میں کسی صورت مہنگائی نہیں ہونی چاہیے۔

Leave a Reply

Your email address will not be published. Required fields are marked *