Wed. Jun 19th, 2019

بھارت: بلڈنگ میں آگ لگنے سے 15طالب علم ہلاک

بھارت میں ہولناک آتشزدگی کے نتیجے میں کم از کم 15طالب علم ہلاک اور متعددزخمی ہوگئے۔

بھارتی اخبار کے مطابق ریاست گجرات کے شہر سورت میں ایک کمرشل کمپلیکس کے چوتھے فلور اچانک آگ بھڑک اُٹھی، جس نے پورے فلور کو لپیٹ میں لے لیا۔

پولیس کمشنر سورت کے مطابق زخمیوں میں بیشتر افراد آگ سے بچنے کی کوشش میں بلڈنگ کے ٹاپ فلور سے چھلانگ لگانے کی وجہ سے زخمی ہوئے۔

بھارت: بلڈنگ میں آگ لگنے سے 15طالب علم ہلاک

واقعے کے فوری بعد سوشل میڈیا پر شیئر کی گئی ایک ویڈیو میں بھی دس کے قریب افراد کو بلڈنگ سے چھلانگ لگاتے ہوئے دیکھا جاسکتا ہے۔

بھارتی وزیر اعظم نریندر مودی نے آتشزدگی کے واقعے پر افسوس کا اظہار کرتے ہوئے ٹوئٹر پیغام میں کہا ہے کہ متاثرہ خاندانوں سےتعزیت اور زخمیوں کی جلد صتحیابی کے لئے دعا کی ہے۔

بھارتی میڈیا کا کہنا ہے کہ آگ پر قابو پانے کے لئے 18فائر ٹینڈرز نے آپریشن میں حصہ لیا۔

وزیراعلیٰ گجرات نے واقعے کی انکوائری کا حکم دے دیا ہے۔

Leave a Reply

Your email address will not be published. Required fields are marked *