Wed. Jun 19th, 2019

گوگل پر ڈالر کے مقابلے میں روپے کی قدر بڑھنے کی وجہ کیا تھی؟

پاکستانی روپے کے مقابلے میں ڈالر کی قیمت میں گزشتہ ایک سال کے دوران نمایاں اضافہ ہوا ہے مگر گزشتہ شب گوگل کے نظام میں ایک غلطی نے پاکستانیوں کو خوش کردیا۔

منگل کو رات گئے گوگل کے آن لائن کرنسی کنورٹر میں آنے والی خامی کے نتیجے میں متعدد افراد الجھن کا شکار اور حیرت زدہ ہوگئے۔

درحقیقت اس وقت گوگل نے پاکستانی روپے کی قدر کو اتنا بڑھا دیا کہ ڈالر کی قیمت لگ بھگ 50 فیصد تک کم ہوگئی۔

اسکرین شاٹ

یعنی ایک ڈالر 76 روپے کا شو ہونے لگا، بلکہ لگ بھگ تمام کرنسیاں پاکستانی روپے کے مقابلے میں سستی ہوگئیں جیسے ایک انڈین روپیہ ایک روپے 7 پیسے کا ہوگیا۔

یہ بھی پڑھیں : گوگل پر کبھی ان چیزوں کو سرچ مت کریں

اور صاف ظاہر ہے یہ بات سوشل میڈیا سے دور نہیں رہ سکی اور وائرل ہوگئی جہاں کچھ لوگوں نے تفریحاً نئی حکومت کی ‘تبدیلی’ قرار دیا اور وہ بھی اتنے کم وقت میں۔

View image on Twitter

درحقیقت صرف گوگل نہیں بلکہ مائیکروسافٹ کے بنگ سرچ انجن میں آن لائن کرنسی کنورٹر بھی پاکستانی روپے کے مقابلے میں ڈالر کی یہی قیمت دکھا رہا تھا۔

View image on Twitter

لوگ حیران تھے کہ آخر پاکستانی روپیہ اچانک اتنا زیادہ مضبوط کیسے ہوگیا ؟

View image on Twitter

بعد ازاں گوگل اور بنگ میں اسے درست کردیا گیا اور ڈالر کے مقابلے میں روپے کی صحیح قدر ظاہر ہونے لگی۔

گوگل کی جانب سے اس بارے میں کوئی بیان تو جاری نہیں ہوا مگر ممکنہ طور پر یہ اس تھرڈ پارٹی سروس کی خامی ہوسکتی ہے جو گوگل اور بنگ کی جانب سے کرنسی ایکسچینج ریٹ کے لیے استعمال کی جارہی ہے۔

جیسا ایک ٹوئیٹ میں اس امکان پر روشنی ڈالی گئی۔

خیال رہے کہ گوگل نے اپنی پالیسی میں لکھا ہے کی اس کی آن لائن کرنسی کنورٹر سروس صرف سہولت کے لیے ہے اور اس بات کی ضمانت نہیں کہ اس میں دیئے جانے والے نمبر درست ہوں گے، بلکہ لوگوں کو کسی قسم کی ٹرانزیکشن سے قبل ان کی تصدیق کرنی چاہئے۔

Leave a Reply

Your email address will not be published. Required fields are marked *